جیساکہ اس سے قبل عرض کیا گیا ، نئے تعلیمی نظام کی بنیادیں خدا بیزاری اور مذہب و ادار سے بغاوت  پر مبنی تھیں اور اسکی اٹھان ہی اخلاق و اقدار سے دوری پر منحصر تھیں۔ نو استعماری نظام میں یہ "روایت"مزید مستحکم ہوگئی۔ اور تعلیمی نظام سے اخلاق و اقدار اور مذہبی روایات کو یکسر خارج کردیا گیا۔ نو استعماریت کے تحت ایک تبدیلی یہ پیدا ہوئی کہ تعلیمی پالیسیز او ر نصاب کارپوریٹ ترجیحات کی بنیاد پر طئے ہونے لگیں۔ اس لئے کہ اسکے مطابق مارکیٹ ہی سب سے بڑا فیصلہ ساز ادارہ ہے جو مانگ کے مطابق پیداوار کا تعین کرتا ہے۔ اس لئے جب تعلیم بھی جنس بازار ٹھہری تو تعلیم کے تمام خدوخال کو طئے کرنے کا اختیار بھی خودبخود اسی مارکیٹ کے حوالے ہوجاتا ہے۔