ہماری ذمہ داریاں

مسلمان زمین پر اللہ کا خلیفہ اور وسائل کائنات کا امین ہے۔ اس حیثیت سے ماحولیاتی بحران کے خلاف سب سے طاقتور آواز مسلمانوں کی جانب سے ہی بلند ہونی چاہیے تھی اور مسلمانوں کو صحیح طور پر ماحولیاتی تحریک کا علم بردار ہونا چاہیے تھا۔ لیکن بدقسمتی سے مسلمان نہ صرف اس مسئلہ سے غافل ہیں بلکہ ماحولیاتی بحران پیدا کرنے میں شریک بھی ہیں۔ عام مسلمان اس مسئلہ سے پوری طرح غافل ہیں۔ علماء ، خطباء اور دینی تحریکیں اسے ایک دینی واسلامی مسئلہ کی حیثیت سے پیش کرنے کے لیے تیار نہیں اور اسلامی ممالک اس مسئلہ پر قائد انہ رول ادا کرنے کے لیے آمادہ نہیں ۔